Kallamurun Kadaiyenu Lyrics in Tamil & English
Chorus
சிலுவைமிசைக் கண்டேனே
Siluvaimisaik kandaenae
Verse 1
கள்ளமுறுங் கடையேனுங்
கடைத்தேறப் பெருங்கருணை
வெள்ளமுகந் தருள்பொழியும்
விமலலோ சனநிதியை
உள்ளமுவப் புறுதேனை
யுயிர்க்குயிரை யுலவாத
தெள்ளமுதைத் தீங்கனியைச்
சிலுவைமிசைக் கண்டேனே.
Kallamurung kadaiyaenung
Kadaiththaerap perungarunai
Vellamugan tharulpozhiyum
Vimalalo sananithiyai
Ullamuvap puruthaenai
Yuyirkkuyirai yulavaatha
Thellamuthaith theenganiyais
Siluvaimisaik kandaenae.
Verse 2
படிசாய்த்த பெரும்பாவப்
பரஞ்சுமந்து பரமர்திரு
மடிசாய்த்த திருமேனி
வதைந்திழிசெங் குருதியுக
முடிசாய்த்த பெருமானை
மூதலகை தலைநசுக்கிக்
கொடிசாய்த்த கொற்றவனைக்
குருசின்மிசைக் கண்டேனே.
Padisaayththa perumbaavap
Paranjsumanthu paramarthiru
Madisaayththa thirumaeni
Vathainthizhiseng kuruthiyuga
Mudisaayththa perumaanai
Moothalagai thalainasukkik
Kodisaayththa kotravanaik
Kurusinmisaik kandaenae.
Verse 3
பொய்த்திருக்கும் வஞ்சனையும்
பொல்லாங்கும் புறங்கூற்றும்
எத்திருக்கு முடையேமை
யெண்ணியொரு பொருட்டாகப்
பத்திருக்கும் பிரமாணப்
படியொழுகி வினைமுடித்த
சித்திருக்குஞ் செழுந்தவனைச்
சிலுவைமிசைக் கண்டேனே.
Poyththirukkum vanjsanaiyum
Pollaangum purangootrum
Eththirukku mudaiyaemai
Yenniyoru poruttaagap
Paththirukkum piramaanap
Padiyozhugi vinaimudiththa
Siththirukkunj sezhunthavanais
Siluvaimisaik kandaenae.
Verse 4
மூவினைக்கு மும்முதலாய்
மும்முதலு மொருமுதலாந்
தேவினைக்கை தொழுதேத்துந்
திரிகரண சுத்தருந்தம்
நாவினைக்கொண் டேத்தரிய
நல்லறத்தின் றனித்தாயைத்
தீவினைக்கோ ரருமருந்தைச்
சிலுவைமிசைக் கண்டேனே.
Moovinaikku mummuthalaay
Mummuthalu morumuthalaan
Thaevinaikkai thozhuthaeththun
Thirigarana suththaruntham
Naavinaikkon daeththariya
Nallaraththin raniththaayaith
Theevinaikko rarumarunthais
Siluvaimisaik kandaenae.
Verse 5
மூவாத முதலவனை
முதுசுருதி மொழிப்பொருளை
ஓவாத பெருங்குணத்த
வுத்தமனை யுலகனைத்தும்
சாவாத படிகாக்கத்
தநுவெடுத்துத் துசங்கட்டுந்
தேவாதி தேவனையான்
சிலுவைமிசைக் கண்டேனே.
Moovaatha muthalavanai
Muthusuruthi mozhipporulai
Ovaatha perungunaththa
Vuththamanai yulaganaiththum
Saavaatha padigaakkath
Thanuveduththuth thusangattun
Thaevaathi thaevanaiyaan
Siluvaimisaik kandaenae.
Verse 6
துன்னெறிபுக் குழல்கின்ற
தூர்த்தரிலுந் தூர்த்தனாய்ப்
பன்னெறிகொள் பரசமயப்
படுகுழிவீழ்ந் தழிவேற்கு
நன்னெறியின் றுணிபுணர்த்தி
நயந்திதயக் கண்டிறந்து
செந்நெறிகாட் டியகுருவைச்
சிலுவைமிசைக் கண்டேனே.
Thunneribuk kuzhalkindra
Thoorththarilun thoorththanaayp
Pannerigol parasamayap
Paduguzhiveezhn thazhivaerku
Nanneriyin runibunarththi
Nayanthithayak kandiranthu
Sennerigaad diyaguruvais
Siluvaimisaik kandaenae.
Verse 7
அந்தரதுந் துமிமுழங்க
வமரரெலாந் தொழுதேத்தத்
தந்தைதிரு முனமகிமைத்
தவிசிருந்த தற்பரனை
நந்தம்வினை தொலைத்திடற்காய்
நரனாகி நலிந்திரத்தஞ்
சிந்தியுயி ரவஸ்தையுறச்
சிலுவைமிசைக் கண்டேனே.
Antharathun thumimuzhanga
Vamararelaan thozhuthaeththath
Thanthaithiru munamagimaith
Thavisiruntha tharparanai
Nanthamvinai tholaiththidarkaay
Naranaagi nalinthiraththanj
Sinthiyuyi ravasthaiyuras
Siluvaimisaik kandaenae.
Verse 8
நிந்தனைசெய் திருப்பாணி
நிரையழுத்திக் கொலைபுரியும்
வெந்தொழிலர் செய்வினையின்
விளைவறியார் பொறுத்தருளும்
எந்தையென வெழிற்கனிவா
யிதழவிழெம் பெருமானைச்
செந்தனிக்கோல் கொளுந்தேவைச்
சிலுவைமிசைக் கண்டேனே.
Ninthanaisey thiruppaani
Niraiyazhuththik kolaiburiyum
Venthozhilar seyvinaiyin
Vilaivariyaar poruththarulum
Enthaiyena vezhirkanivaa
Yithazhavizhem perumaanais
Senthanikkol kolunthaevais
Siluvaimisaik kandaenae.
Verse 9
மறம்வளர்க்குங் களருளத்தை
வளமலிதண் பணையாக்கி
அறம்வளர்க்கு மருண்முகிலி
னன்புமழை மாரிபெய்து
புறம்வளர்க்கு மிரட்சிப்பின்
புகழமைந்த புண்ணியத்தின்
திறம்வளர்க்குஞ் செழுங்கிரியைச்
சிலுவைமிசைக் கண்டேனே.
Maramvalarkkung kalarulaththai
Valamalithan panaiyaakki
Aramvalarkku marunmugili
Nanpumazhai maaribeythu
Puramvalarkku miratchippin
Pugazhamaintha punniyaththin
Thiramvalarkkunj sezhungiriyais
Siluvaimisaik kandaenae.
Verse 10
காயொளியிற் கதிர்பரப்புங்
களங்கமினீ தியின்சுடரைப்
பாயொளிகொள் பசும்பொன்னை
பணிக்கருஞ்சிந் தாமணியைத்
தூயொளிகொ ணித்திலத்தைத்
தூண்டாத சுடர்விளக்கைச்
சேயொளிகொள் செம்மணியைச்
சிலுவைமிசைக் கண்டேனே.
Kaayoliyir kathirparappung
Kalangaminee thiyinsudaraip
Paayoligol pasumbonnai
Panikkarunjsin thaamaniyaith
Thooyoligo niththilaththaith
Thoondaatha sudarvilakkais
Saeyoligol semmaniyais
Siluvaimisaik kandaenae.
Kallamurun Kadaiyenu PPT – PowerPoint Slides
Download கள்ளமுறுங் கடையேனுங் as ready-to-project slides, one stanza per slide in Tamil with Tanglish below, or present it full screen straight from your browser.
Tanglish on this page is generated from the Tamil. Spotted a spelling that reads wrong? Tell us.